8/8/09

HAI QUE ROELO!!

.
..
.
Malia que o resultado final do encontro foi de dous goles a cero a favor do Barça, nesa mesma temporada (63-64) o Pontevedra derrotou o Madrid por un gol a cero no estadio de Pasarón. Na temporada 65-66 o Pontevedra gañou ao Barcelona en Pasarón por dous goles a cero. Na temporada 66-67 o Pontevedra derrotou o Barcelona no Nou Camp por cero goles a un. Na temporada 67-68 o Pontevedra gañou en Pasarón ao Madrid por tres goles a cero, e ao Barcelona por un gol a cero. Na temporada 68-69 o Pontevedra sacoulle senllos empates ao Madrid: no Bernabeu empatouse a dous goles, e en Pasarón, a cero. Na temporada 69-70 o Pontevedra empatou a ceros co Barça en Pasarón.
.
A mellor clasificación do Pontevedra na 1ª división conseguíuse na temporada 65-66, finalizando o campionato no 7º lugar da táboa clasificatoria. Na temporada 66-67 o Pontevedra consegue colocarse líder da clasificación de 1ª en dúas ocasións. Nesa mesma temporada, o equipo proclamouse campión de inverno.
.
.
A foto tireina na taberna "Seis de Agosto", sita na freguesía de Lérez, e deume pé para lembrar as fazañas do Pontevedriña ye-yé. Mentres non se galeguice de novo o equipo e mentres a Fedorenta (ENCE) siga pagando as camisolas, o equipo non abandonará o buraco negro das divisións inferiores. Palabra de granate repugnado.
.
.

No hay comentarios: