.
.
Transcorreu felizmente e sen incidentes o I Roteiro da Pantalla en Cerdedo. Participaron unhas cincuenta persoas, ben ataviadas e provistas de farois, candeas, candís, candelexas..., e botas de auga. Non choveu, mesmo gozamos dunha noite morna e apracíbel.
.
Transcorreu felizmente e sen incidentes o I Roteiro da Pantalla en Cerdedo. Participaron unhas cincuenta persoas, ben ataviadas e provistas de farois, candeas, candís, candelexas..., e botas de auga. Non choveu, mesmo gozamos dunha noite morna e apracíbel.
Saímos a iso das 9'30 h do adro da igrexa de San Xoán, antigo camposanto de Cerdedo, baixamos pola Torrente e vadeamos o río do Seixo pola ponte de Santo Antonio. FOI UNHA EXPERIENCIA ALUCINANTE VER A FILEIRA DE LUCIÑAS DESCENDENDO VAGAROSAS POLA VEREA. Aquí fixemos unha pausa para as fotos e para explicar as motivacións do roteiro (celebrar de xeito orixinal e atractivo a festividade do Samaín celta e, asemade, redescubrir o patrimonio material e inmaterial de Cerdedo). Démoslle unha volta ao cruceiro da ermida de Santo Antonio e proseguimos cara á aldea da Revolta. Tinguilearon as campaíñas. Ladraron os cans.
Da Revolta a Cavenca, polo camiño das Lamelas, pasando ao pé do carballo centenario. En Cavenca, á beira do antigo camposanto de San Salvador, fixemos outro alto explicativo. Fomos agasallados cun paxe ateigado de cogomelos polos veciños do lugar.
A seguir, baixamos pola congostra do Rapenlo, ponte dos Portamuíños, até as Veigas das Almas.
Nas Veigas das Almas, a carón do río do Seixo, demorámonos un chisco para participar no esconxuro de Samaín oficiado polo druída Xoán Paredes (da Irmandade Druídica Galaica). Tornamos polo mesmo camiño.
Chegamos a Cerdedo a iso das 11'30 h e, xa nos coches, dirixímonos cara a aldea de Pedre, onde as persoas que reservaramos mesa (unhas corenta) participamos dunha cea reparadora (empanada, sopa, lacón con grelos, lambonadas, café e licores) servida amigabelmente pola casa de turismo rural A Florinda.
Da Revolta a Cavenca, polo camiño das Lamelas, pasando ao pé do carballo centenario. En Cavenca, á beira do antigo camposanto de San Salvador, fixemos outro alto explicativo. Fomos agasallados cun paxe ateigado de cogomelos polos veciños do lugar.
A seguir, baixamos pola congostra do Rapenlo, ponte dos Portamuíños, até as Veigas das Almas.
Nas Veigas das Almas, a carón do río do Seixo, demorámonos un chisco para participar no esconxuro de Samaín oficiado polo druída Xoán Paredes (da Irmandade Druídica Galaica). Tornamos polo mesmo camiño.
Chegamos a Cerdedo a iso das 11'30 h e, xa nos coches, dirixímonos cara a aldea de Pedre, onde as persoas que reservaramos mesa (unhas corenta) participamos dunha cea reparadora (empanada, sopa, lacón con grelos, lambonadas, café e licores) servida amigabelmente pola casa de turismo rural A Florinda.
Tras a animada cea, e á luz dunha queimada, comezou a hora dos contos de medo. Os mellores relatos premiáronse cun exemplar do poemario "Holocausto zacoe" de recente aparición. A velada prolongouse até as catro da madrugada.
A opinión foi unánime: o ano que vén, a Pantalla volverá roldar os carrouchos de Cerdedo.
.A opinión foi unánime: o ano que vén, a Pantalla volverá roldar os carrouchos de Cerdedo.
.
.
..
..
..
..
..
..
..
..
..
..
..
..
No hay comentarios:
Publicar un comentario