.
caes, non
caes
e van dous mundos coma este,
escarranchado,
abázcaro do gado miúdo
e meirandiño
.
que si, que
non,
que agora,
e cansa o sol de traspor
a túa caveira,
a lúa de contarche as costelas;
chagas dun euciomo
.
uliscas, recoñeces,
maino cadelallo,
man cativa que te afaga
e millentas outras
que a labraron.
.
.
>>>
A pintura Pedra do Equilibrio (óleo sobre lenzo) da autoría de Francisco Sutil e mais estes versos irmandáronse co gallo da exposición pictórico-poética Terras raras, celebrada en Vigo no verán de 2000. O poemario Terras raras editouse en Madrid en 2001.
.
.
