.
.
.
2 de xuño de 2013, nº de visitantes guiados polo monte do Seixo:
.
2.311
.
.
O
pasado domingo 2 de xuño, o colectivo Capitán Gosende de Cerdedo guiou
novamente unha excursión pola Montaña Máxica.
.
Había xa uns meses que a
asociación viguesa "O Coto", bos afeccionados ás camiñadas, solicitaran a nosa colaboración. Daquela, ás 10'30 da mañá chegaron a Cerdedo
un grupo de 60 persoas que, acompañados por membros de Gosende (Anxo Torres, Nacho Grande, Xoán Soto e Calros Solla),
investiron a
solleira xornada en percorrer uns 18 km, completando tres dos
roteiros míticos deseñados: o Roteiro 1, dende Chan de Mamas até o
Coto da Santa Mariña; o Roteiro 4, até o Castro Grande; e o Roteiro 5
(ou Roteiro Sarmento), en viaxe de volta e descenso pola Ghalghareta, a
costa do monte de Meilide, deica Cerdedo.
.
Dende o cimo da Santa Mariña (994 m), os nosos visitantes enxergaron as
tres rías: Arousa, Pontevedra e Vigo. Déuselles conta de moitos dos
prodixios que atesoura o lugar, tamén do seu malfadado destino.
Xantouse fraternalmente na herbeira do Castro Grande. Xa de volta, en
Cerdedo, compartíronse impresións e agradecementos arredor duns
refrixerios no restaurante O Meu Lar.
.
.
.
.
.
.
.
.
.
.
.
.
.
.
.
.
.
.
.
.
.
No hay comentarios:
Publicar un comentario